الصيدلي

لكل صيدلي وصيدلانيه
 
الرئيسيةالبوابةس .و .جبحـثالتسجيلالأعضاءالمجموعاتدخول

شاطر | 
 

 قصتي مع سبيس تون (لو مادخلت(ي) راح نص عمرك)

اذهب الى الأسفل 
كاتب الموضوعرسالة
البلكه
عضو توه جديد
عضو توه جديد
avatar

عدد الرسائل : 12
العمر : 33
تاريخ التسجيل : 04/01/2008

مُساهمةموضوع: قصتي مع سبيس تون (لو مادخلت(ي) راح نص عمرك)   الجمعة يناير 04, 2008 6:04 pm


تبون الصراحه دعست على ايقونه موضوع جديد ومدري وش اكتب (توهقت)
المهم جيت برجع وقلت في نفسي عيب ياولد لهالدرجه ماعندك افكار ترسم البسمه على وجوه الاعضاء (لايكثر اخلص) الموهم اللي مايقرأ القصه كامله لايدخل (المزاز بالداخل)




المهم يا جماعه هذي قصة صارت معي وانا مدري متى صارت (والله من النصب) لاكن الوكاد انها صارت خذو العلم مني ( اسلم يالنصاب ) الشاهد من الكلام هو>>>>>>


دخلت بيتنا ذاك اليوم وانا اللي القى اخوي الصغير (9سنين) مسنتر عند سبيس تون الله لايجزاهم خير خلو بثها 24 ساعه وهاااتك يا فله البزران في بيتنا انا يوم حطوها 24ساعه تحمدة الله اني مانيب دش صار! دشنا مايطفى تقول محلات ميد (ههههه تنكت انت ووجهك ) وانا اللي القى الحبيب نايم عند التلفزيون واقوم واشيله واوديه لفراشه <==تحسون اني طيب وحنون ادري ماهي راكبه خخخخخخخخخخخخخخ

لا الصحيح اني توطيته لين قام وقلت ظف وجهك لفراشك يا قليل الادب (ايه هذاالبلكه اللي انا اعرف) وانا اللي ارجع عند الدش وينسجم خويكم مع ذا الكراتين ومافيه الا قوه بوكيمونات ومدري وشو (ياليل الفلسفة الزايده اخلص ) وانا اقوم اشجع وانا اللي اغير من جلستي واتحمس جداً (ههههه حلوه جدا) ويوم ركزت مع الصوره وهو اللي ينفتح التلفزيون ويسحبني وافتح عيوني عقب السحبه إلا انا!!!!!


قاعد في غابه ولا ادري وين الغنم سارحه (يعني ماادري وش السالفه) المهم تعوذت من ابليس وبيني وبينكم ترى انا تشققت من الفرح ولو جوالي ماهو استقبال كان دقيت على فيفادول والصيدلي (اصدقاني الخاصه )هههههه عشان نطلع في ذيك الغابه يوم ناظرت حولي والا ذيك البنت اللي سبحان من صورها كأنها مريام فارس (خاق معها) يوم انا اختفت براطمي من حماسه الموقف وهي اللي تنخاني (طلبتني) واجيها قلت وش العلم يا بنت الناس وش الحاصل وراك كنك ملحوقه قالت وخر تكفى انت وذا الوجه اللي تقول طابع بريدي!! حقيقتاً يا جماعه انا جاني ذبات اشكال والوان


المهم زي ذا الذبه ماشفت وانا اللي ارفع راسي والنيه ماهي زينه كنت بسدد لها ذبه اغير اسم عايلتهم (صح يالقوي) يوم رفعت راسي ولا البنت تقول للقمر ظف وجهك (من حلاها) وانا اللي اخاف وش اقول لها واسكت والفقها واقول في نفسي يحق لك يابنت الكلب يوم تمقلت فيها زين ولينها لابسه وزار ابيض وزنوبه شفافه (تكرمون) الزنوبه اليمنى ضايعه (تكرمون ) <<< (خلاص يابو عرفنا انك محترم).
المهم قلت اقول من انتي يا الشيخه قالت انا عمتك سندريلا


انا يوم قالت عمتك انعميت ولولا اني ماامد يدي على مره ولا كان عطيتها المقسوم قلت اسمعي انتي يا سنو وايت مدري توم وجيري انتي وقوارير هالببسي الي في رجليك (اسمع في القصه ان جزمتها قزاز) (تكرمون ههههههههههههه) ترى ان ماذكرتي الله بيجيك علم مهوب اللي انتي تبين مير اعقلي وخليكي رجال <== حلوه هههههههههههه

اثر البنت قلبها رقيق وانا متعود على التماسيح يوم نفخت عليها وهي تخنقها العبره بيني وبينكم ترى انا شديد بس مع دموع البنات اخور مانيب خويكم الاول (اقول بلا تميلح ) المهم وانا اللي اعفط ما استطعت تعفيطه من براطمي وبغيت اطق البكوه (بغيت ابكي) بس اني ماني معتذر لو تموت المهم اني لقيت حل افضل قلت اسمعي روحي لذيك البقاله واشتري اللي تبين وقولي الحساب على البلكه <==احس اني اراضي بزر


المهم طست عن وجهي(على فكره ترى رقمتها والا البلكه وبنت في الغابه ولا يرقمها؟ قويه ( شاطر هذا اللي انت فالح فيه)

المهم اني رحت والنيه ابي اطلع من ذا المكان اللي مدري وين الله رماني فيه يوم ابعدت شوي وانا اللي ألقى بنك بنثر(ترم ترم) والحقه وينحاش والحقه وينحاش والحقه وينحاش (خلاص يا ابو وصلت الفكره درينا انك سريع) يوم تعب وانا اللي اطلع سنارتي واصيده (هذا اللي جا في بالي لاتسالون كيف) يوم وقف وانا اللي احطه في قفص واقعد انغزه ابيه يتكلم. وانغز! ابي!! يا ابن الحلال!!! طيب كلمه ولو جبر خاطر طيب حرف طيب أي شي ولا فيه امل وانا اللي اسكت واروح ادور شي اتسلى فيه في ذا الغابه يوم قعدت شوي وهو اللي يطلع مساحه (أي ممحاه) من مخباه ويمسح القفص اللي هو قاعد فيه ويطلع (علي خيال واسع) قال اقول الشرهه مهيب عليك الشرهه على اللي يخليك تصيده . الحقيقه يا ناس انا داري انه مايتكلم بس قلت بحرجه يمكن يتكلم بس يوم تكلم انا عورني بطني من الخوف (صوته يخرع (يمه)( قبلي رهيف ) <<<<<<< بسم الله عليك يالتمساح

المهم اني تعشيت ورحت لديره قريبه اشوف نورها واثرها ماهي ديره اثرها الملعب اللي يصورون فيه مسلسل الكابتن ماجد وقتها بغت تشقق خشتي من الوناسه وانا اللي اربط ثوبي وانطل نعالي (تكرمون) واجي ينقالي بفرق معهم يوم وصلت إلا هم تاكين على جنب والكابتن ماجد معلق بخيوط في الهوى والله وتخف ابتسامتي وتنقلب تكشيره قلت وش الحاصل ياشباب مافيه لعب والا وشلون؟ والاماتلعبون اللي ما جاب تكميله <== يتذكر ايام حصه الرياضه


قالوا لا الحلقه ذي كلها والحلقتين اللي بعدها بيسوي فيها الكابتن ماجد دبل كيك ..قلت انا يؤيؤ الله يعين المشاهدين بس عاد الصراحه اني تمنيت ان التلفزيون كمل جميله وانه سحب سيارتي معي عشان اركب وحده (بنت) تطلع مع الكابتن ماجد يلعن امها مووووووت(للحين رافض فكرة الزواج لين القى وحده تشبهها (
<==ترى على فكره عطيتها رقمي خفت تحتاج شي ولا شي هههههه <<<اخترب الولد

المهم مالكم في الطويله وتاخذني الخطوة (أي مشيت بدون لا أعلم ) لم الجبل وانا اللي ارقاه وانواع التعلق والتغريز (تغريز بجبل والله من النصب ) المهم يوم وصلت فوق الا هاذي هايدي الصغيره وبيتر يرعون الغنم وهو مسوي نفسه ذيب يقول لها تعالي اعلمك وشلون تحلبين العنزات يا هايدي على باله محترف بس على مين طاح في يد البلكه ( اللي هو انا <لاوالله > ) وانا اللي اتله مع علباه (علباه=قفى راسه) قلت اسمع يا نفر (هندي يابو) لاتقعد تميلح على ذا الضعيفه عشانها يتيمه مدري اهلها ناطلينها هو صح اني ماشفت الحلقه الاخيره بس اعرف انك نجس يوم بيتر تلخبط ولا وده اني مسكته في ذا الموقف ولا عاد سمعت له صوت واتل البنت واروح اوديها لجدها شيخ الطعوس مدري الجبل المهم انه شيخ على مين مدري .



واطق الباب) مسوي محترم ايه هين( وادخل قلت انت يا هيه البنت مأمنينك عليها يا شايب بليس وانت مهملها مع ذا الداج بيتروه (من عيال حارتهم على غفله) قال انا مدري وشو(تلخبط الشايب) قلت اقول لايكثر بعدين لبسها بنطلون ذبحها البرد يا قليل الادب والله وانا اللي احس ان الموقف بحاجه لكف (طراق) وانا اللي ارنه بكفين لين ابترمت خدوده يوم ناظرت الا هو ماخذ المحش حقه والنيه بينحرني كما تنحر الشاة


قلت افا يا ذا العلم مهيب هي ياالبلكه تكفى العمر غالي وانا اللي اركض ركضاً مبرحا يقال اني شطفت ذاك الي يقول (بيب بيب) من زود سرعتي (يقال مدري كيف جت بس المهم وصلت المعلومه) والتفت اناظر الشايب والا خدوده تقول اسطبات كدلك موديل 2000 وضاربه الفرامل (يلعن ام الوصف البليغ) وانا اركض والقى باب صغير وانا اللي ادخل فيه ولا دريت الا انا في صالة بيتنا


واتعوذ من بليس واطفي الدش واروح عند اخواني في الملحق قلت في نفسي اذا كان بايع عمره ذا الشايب يجيني عند اخواني والله لا توطى في بطنه (ايه توك تنفخ قبل شوي ميت من الخوف يالرخمه)






>>>>>>>>>>>>>>انتهت القصه<<<<<<<<<<<<<<<الحمد لله

اللي تستفيده من القصه السابقة الذكر :

أولا : ان سبيس تون خربت البزران

ثانيا : حبيت اطرح المشكله بأسلوب ساخر وانشالله ماكون ثقلت دمي عليكم
>>>>>>> اقول ليتك ماتعبت وكتبت القصه يالسخيف
ثالثا: ولاشي

رابعا: ولا شي برضوا

خامسا : بقدم الفكره بطاش ماطاش السنه الجايه (بصير مشهور)

سادسا : ترى القصه حقيقيه وصايره لي شخصياً (لاتكذب ترى انتهت القصه)



ارق التحايا لكم على حسن القراءة



اخوووووووووكم البلكه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
I'M Bianconeri
مشرف منتدى الرياضه
مشرف منتدى الرياضه
avatar

عدد الرسائل : 142
العمر : 50
الموقع : Turin
تاريخ التسجيل : 31/12/2007

مُساهمةموضوع: رد: قصتي مع سبيس تون (لو مادخلت(ي) راح نص عمرك)   السبت يناير 05, 2008 12:15 am

هلا وغلا بالبلكه

اولا : اهنيك على الموضوع اللللللللللللحسة Suspect

ثانيا : ذي السواليف حلوة بس كثر منها صارت لك

ثالثا : ذا المنتدى والله كان ناقصك


ع العموم ارحب فيك وواصل يا بطل

اخوك I'M Bianconeri
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البلكه
عضو توه جديد
عضو توه جديد
avatar

عدد الرسائل : 12
العمر : 33
تاريخ التسجيل : 04/01/2008

مُساهمةموضوع: رد: قصتي مع سبيس تون (لو مادخلت(ي) راح نص عمرك)   السبت يناير 05, 2008 1:37 pm

اخوي مدري شسمك <<<<<<<<<< ترى مايعرف انقليزي



لاهنت يالغلا على المرور العطر


والله يعطيك الف عافيه



اخوووووووووووووووووك


البلكه


استشاري اخراج جن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Daaa
مشرف منتدى الطلاب
مشرف منتدى الطلاب
avatar

عدد الرسائل : 118
العمر : 34
الموقع : AHG
تاريخ التسجيل : 27/12/2007

مُساهمةموضوع: رد: قصتي مع سبيس تون (لو مادخلت(ي) راح نص عمرك)   الأحد يناير 06, 2008 2:11 pm

وعيباه تناظر سبيس تون
شايلينها من عندنا فيها غزو فكري ههههههههههه
مشكور البلكه

اخوك دااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البلكه
عضو توه جديد
عضو توه جديد
avatar

عدد الرسائل : 12
العمر : 33
تاريخ التسجيل : 04/01/2008

مُساهمةموضوع: رد: قصتي مع سبيس تون (لو مادخلت(ي) راح نص عمرك)   الجمعة يناير 11, 2008 2:42 pm

اقول اخوي داء لاعاد ترد على مواضيعي زييييييييين


والله لو ماسجلت بالمنتدى احسن


رد زي الناس


مثااااااااال


اخوي البلكه لاهنت يالغلا على الموضوع اللذيذ


والله لايحرمنا روعة جديدك


تقبل مروري



اخوووووووووك


دااااا


فهمت ياساعي البريد


اخوووووووك



البلكه راعي الاكسنت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو حمني juve
عضو مجتهد
عضو مجتهد
avatar

عدد الرسائل : 83
العمر : 109
الموقع : غرفة القراءة
تاريخ التسجيل : 29/12/2007

مُساهمةموضوع: رد: قصتي مع سبيس تون (لو مادخلت(ي) راح نص عمرك)   السبت يناير 12, 2008 9:24 pm

والله يا اخ بلكه انا من يوم ولدتني امي ما احب القراءة
وانت الله يهداك مواضيعك طويله مشوار
يا ليت تعطيني الزبده على الايميل scratch
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
@commander@
عضو توه جديد
عضو توه جديد


عدد الرسائل : 12
العمر : 34
الموقع : lab 7
تاريخ التسجيل : 31/12/2007

مُساهمةموضوع: رد: قصتي مع سبيس تون (لو مادخلت(ي) راح نص عمرك)   السبت يناير 12, 2008 9:42 pm

في البداية اسمحلـــي ارحب فيكـ اخوي البلكـة ... كـاتب مميز وصاحب افكار مبتكره ومتميز في طرحك اهنيك على الاسترسال بهالاسلوب علشان توصل للهدف الي انت تبغاه من الموضوع .. بعيد عن الروتين الي دايم يطرق حتى انه اصبح ممل < بسرعه ههه ...بالنسبه لسبيس تون ما احد ينكر مدى تأثيرها على الوراعين (خرب الفصحى) لعده اعتبارات اهمها هو طول الفترة الي يجلس فيها الورع يناظر فيهاا للشاشه هذا غير ماتبثه هالقناة من برامج في الظاهر شكلها مقبول لكن لو يركز الواحد في محتواها راح يلاقي العكسـ.ـ ..
اقتباس :
وعيباه تناظر سبيس تون
شايلينها من عندنا فيها غزو فكري ههههههههههه
و
انـا اقول من وين جايب هالافكار العلمانيه الي عندك اثاريك من ضحايا سبيس تونVery Happy > Daaa

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
كل المواعيـ وهم ــد
عضو قرب يدمن
عضو قرب يدمن
avatar

عدد الرسائل : 134
العمر : 32
تاريخ التسجيل : 09/01/2008

مُساهمةموضوع: رد: قصتي مع سبيس تون (لو مادخلت(ي) راح نص عمرك)   الأحد يناير 13, 2008 7:59 pm


ههههههههههههههههههههههههههههههههههههههههههههههههههههههههههههههههه


وانالي 5 سنين ابي أتذكر اسم خوي هايدي والله انك رهيب

المهم لا يزود مشكوور على القصه مع انه النظر نقص نص بس ما عليه يفداك

تقبل مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البلكه
عضو توه جديد
عضو توه جديد
avatar

عدد الرسائل : 12
العمر : 33
تاريخ التسجيل : 04/01/2008

مُساهمةموضوع: رد: قصتي مع سبيس تون (لو مادخلت(ي) راح نص عمرك)   الثلاثاء يناير 15, 2008 8:09 pm

اقووووووووووووووووول ياجامعيين


مرسي على مروركم الخالع واتنمى لكم التوفيق في اختباراتكم



>>>>>>>> يارب توفق اللي ببالي <<<<<<<<< امين امين امين




وامرسيكم مره ثانيه


برب ليوم القيامة


البلكة ( استشاري اخراج جن)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصتي مع سبيس تون (لو مادخلت(ي) راح نص عمرك)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الصيدلي :: المنتدى العام-
انتقل الى: